शुक्रबार उच्च विन्दुमा पुगेको सुनको मूल्य आज घट्यो

समाचार सुन्नुहोस : 

काठमाडौँ – आइतबार नेपाली बजारमा सुनको मूल्यमा गिरावट आएको छ। शुक्रबार उच्च विन्दुमा पुगेको सुनको मूल्य तोलामा ४०० रुपैयाँले घटेर आज १ लाख ७४ हजार १०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जानकारी दिएको छ।

शुक्रबार सुनको मूल्य अहिलेसम्मकै उच्च विन्दुमा पुगेको थियो। उक्त दिन सुनको मूल्य तोलामा ४ हजार रुपैयाँले बढेर १ लाख ७४ हजार ५०० रुपैयाँमा कारोबार भएको थियो। तर आइतबार यसमा गिरावट देखिएको छ।

यसैगरी, चाँदीको मूल्य पनि आज थोरै घटेको छ। चाँदीको मूल्य तोलामा ५ रुपैयाँले घटेर २ हजार ४५ रुपैयाँमा कारोबार भइरहेको छ। शुक्रबार चाँदीको मूल्य तोलामा ५० रुपैयाँले बढेको थियो।