बाल सुधार गृहमा झडप र आगजनी : ४९ जना घाइते, स्थिति नियन्त्रणमा

समाचार सुन्नुहोस : 

काठमाडौँ – बाँकेको डुडुवामा रहेको जयेन्दु बाल सुधार गृहमा दुई समूहबीच झडप भएको छ। जसमा ४९ जना घाइते भएका छन्। घाइतेहरूलाई उपचारका लागि अस्पताल पठाइएको छ। प्रमुख जिल्ला अधिकारी धर्मराज जोशीका अनुसार, झडपलाई अपराह्नमा प्रहरीले नियन्त्रणमा लिएको छ।

घटनामा गम्भीर घाइते १ जना र २ जनाको नेपाल प्रहरीको मेडिकल कलेज नेपालगन्जमा उपचार भइरहेका छन् भने अन्य घाइतेहरूलाई भेरी अस्पताल लगिएको छ। झडपका क्रममा सुधार केन्द्रभित्र आगजनी गरिएको छ र बालबन्दीहरूले आफ्ना लत्ताकपडा र फर्निचर जलाएका छन्। घटनामा तीन जना प्रहरी पनि घाइते भएका छन्। बाल सुधार गृहमा २ सय ५५ बालबन्दी रहेका छन् र सबै प्रहरीको नियन्त्रणमा राखिएका छन्।