प्रधानमन्त्री ओलीले सुरु गरे एचपीभी खोप अभियान

समाचार सुन्नुहोस : 

काठमाडौँ – नेपालमा १० देखि १४ वर्ष उमेरका बालिकाहरूलाई पाठेघरको मुखको क्यान्सरविरुद्धको ह्युमन पापिलोमा भाइरस (एचपीभी) खोप दिन आजबाट विशेष अभियान सुरु गरिएको छ।

विश्व क्यान्सर दिवसको अवसर पारेर स्वास्थ्य तथा जनसंख्या मन्त्रालयले काठमाडौंको महाराजगञ्जस्थित शिवपुरी माध्यमिक विद्यालयमा विशेष कार्यक्रम आयोजना गरेको छ। सोही कार्यक्रममा प्रधानमन्त्री केपी ओलीले काठमाडौं महानगरपालिका–३ का स्वास्थ्यकर्मीलाई स्वास्थ्य किट हस्तान्तरण गर्दै औपचारिक रूपमा अभियानको शुभारम्भ गरेका छन्।

यस अभियानअन्तर्गत, प्रत्येक विद्यालयमा खोप प्रदान गरिनेछ भने विद्यालयमा नपुग्ने बालिकाहरूका लागि देशभर आठ हजार दुई सय खोप केन्द्र स्थापना गरिएको छ।