समाचार सुन्नुहोस :
काठमाडौँ – उपप्रधानमन्त्री तथा अर्थमन्त्री विष्णुप्रसाद पौडेलले सामाजिक सुरक्षा भत्ताको सम्पूर्ण श्रेय प्रधानमन्त्री केपी शर्मा ओलीलाई जाने बताएका छन्। सोमबार रुपन्देहीको तिलोत्तमामा निर्माणाधीन ज्येष्ठ नागरिक मिलन केन्द्र दिवा सेवाको आधुनिक भवनको शिलान्यास गर्दै उनले ओलीको पहलकै कारण सामाजिक सुरक्षा भत्ता निरन्तर जारी रहन सकेको बताए।
उनले ज्येष्ठ नागरिकहरूको सुरक्षा तथा आवश्यकताप्रति राज्यले संवेदनशील हुनुपर्ने उल्लेख गर्दै वर्तमान सरकार यस विषयमा गम्भीर रहेको धारणा राखे। साथै, समाजमा परम्परागत मूल्यहरू हराउँदै गएकाले पुरानो पुस्ताले नयाँ पुस्तालाई ज्ञान, सीप र अनुभव हस्तान्तरण गर्नु आवश्यक रहेको औंल्याए।
अर्थमन्त्री पौडेलले सरकारले ज्येष्ठ नागरिकहरूको हितका लागि हालसम्म गरेका प्रयासहरू पर्याप्त नभएकाले आगामी दिनमा थप जिम्मेवारीपूर्वक अघि बढ्ने प्रतिबद्धता व्यक्त गरे।