समाचार सुन्नुहोस :
काठमाडौँ – हिजो उच्च अङ्कले बढेको नेप्से परिसूचक आज भने सामान्य रूपमा मात्र वृद्धि भएको छ। नेप्से परिसूचक दुई दशमलव ४१ अङ्कले उकालो लाग्दै २,७३० विन्दुमा पुगेको छ।
आज ३१७ कम्पनीका दुई करोड ३७ लाख ७० हजार ३४८ कित्ता शेयर एक लाख ११ हजार ९१८ पटक किनबेच हुँदा कुल ११ अर्ब ८७ करोड ५९ लाख ६७ हजार रुपैयाँको कारोबार भएको छ।
बढेका र घटेका समूहहरू
आजको कारोबारमा बैङ्किङ समूह शून्य दशमलव ५४, जीवन बीमा शून्य दशमलव ६७, उत्पादन तथा प्रशोधन शून्य दशमलव २७, लघुवित्त शून्य दशमलव १०, म्युचुअल फन्ड शून्य दशमलव ७८, निर्जीवन बीमा शून्य दशमलव ८२, र व्यापार समूह शून्य दशमलव ७९ प्रतिशतले बढेका छन्।
तर, विकास बैङ्क शून्य दशमलव ३९, वित्त एक दशमलव ०७, होटल तथा पर्यटन शून्य दशमलव ०१, जलविद्युत् शून्य दशमलव ४८, र लगानी समूह शून्य दशमलव ४७ प्रतिशतले ओरालो लागेका छन्।
सर्किट लागेको कम्पनीहरू
उपकार लघुवित्त वित्तीय संस्था लिमिटेड र भूगोल इनर्जी कम्पनी लिमिटेडको शेयर मूल्यमा सकारात्मक सर्किट लागेको छ। भने, ग्रिन डेभलपमेन्ट बैङ्क र रिभर फल्स पावर लिमिटेडको शेयर मूल्यमा नकारात्मक सर्किट लागेको छ।
आजको प्रमुख कारोबार
कारोबार रकमका आधारमा सबैभन्दा बढी एनआरएन इन्फ्रास्ट्रक्चर एन्ड डेभलपमेन्ट लिमिटेडको ३५ करोड ३० लाख ७५ हजार रुपैयाँ बराबरको कारोबार भएको छ।
त्यस्तै, कारोबार भएका शेयर सङ्ख्याका आधारमा सबैभन्दा धेरै बरुण हाइड्रोपावर कम्पनी लिमिटेडको छ लाख ३४ हजार ६२० कित्ता शेयर किनबेच भएको छ।