काठमाडौं – यही वर्षको भदौ महिनामा कांग्रेस नेता युवराज श्रेष्ठसँग वैवाहिक जीवनमा बाँधिएकी अभिनेत्री अरुणिमा लम्सालको पनि वैवाहिक जीवनमा खटपट परेको दर्शकले आशंका गरेका छन् । जब अरुणिमाले श्रीमानसँगको आफ्ना फोटोहरू सामाजिक सञ्जाल एकाउन्टबाट डिलिट गरिन्, तब उनका फ्यानहरूले उक्त आशंका गरेका हुन् ।
गत भदौ ३ गते अरुणिमाले नेपाली कांग्रेसका युवा नेता युवराज श्रेष्ठसँग बिहे गरेकी थिइन् । श्रेष्ठ बराहक्षेत्र नगरपालिका, चतरा सुनसरीका स्थानीय नेता हुन्। बराहक्षेत्र नगर कमिटीका उपसभापति समेत हुन् । बिहेपछि अमेरिकामा रहेकी अरुणिमाले तस्बिर हटाउनुका साथै युवराजलाई अनफलो समेत गरेकी छिन् । दुवैले इन्स्टाग्राममा एकअर्कालाई फलो गरेको देखिँदैन ।
सामाजिक सञ्जालमा बिहेको फोटो हटाएपछि उनीहरुबीच सम्बन्ध बिग्रेको चर्चा चल्न थालेको छ । उनीहरूको पनि छिट्टै सम्बन्धविच्छेद हुने खबर फैलिन थालेको छ । यद्यपि, युवराजले भने बिहेको तस्बिरहरू हटाएका छैनन् । बिहेको केही समयपछि श्रीमतीसँगै अमेरिका जाने भनेका युवराज नेपालमै छन् ।
अरुणिमाको यो दोस्रो बिहे हो । यसअघि अरुणिमाले अमित अर्यालसँग पहिलो बिहे गरेकी थिइन् । पहिलो बिहे असफल भएपछि अरुणिमाले युवराजसँग मागी बिहे गरेकी थिइन् ।