त्रिभुवन अन्तर्राष्ट्रिय विमानस्थल आजदेखि दैनिक १६ घण्टा सञ्चालनमा

समाचार सुन्नुहोस : 

काठमाडौँ – त्रिभुवन अन्तर्राष्ट्रिय विमानस्थल आजदेखि दैनिक १६ घण्टा सञ्चालनमा रहने भएको छ। विमानस्थलको पूर्वाधार विस्तार अन्तर्गत धावनमार्गको ७५ मिटर आसपास भइरहेको निर्माण कार्यको ६० प्रतिशत काम पूरा भइसकेपछि दैनिक सञ्चालन समय दुई घण्टाले बढाइएको हो।

नेपाल नागरिक उड्डयन प्राधिकरणका अनुसार गत कात्तिक २३ गतेदेखि दैनिक १० घण्टा बन्द हुँदै आएको विमानस्थल अब बिहान ७ बजे खुलेर राति ११ बजेसम्म सञ्चालनमा रहनेछ। यसअघि विमानस्थल राति १० बजेदेखि बिहान ८ बजेसम्म बन्द रहँदै आएको थियो।