जापानको रेल स्टेसनमा छुरा प्रहार गर्ने एक व्यक्ति पक्राउ

समाचार सुन्नुहोस : 

काठमाडौँ – जापानको राजधानी टोकियोस्थित जेआर नागानो स्टेसनबाहिर भएको छुरा प्रहार घटनामा एक जनाको हत्या गरेको आरोपमा ४६ वर्षीय एक व्यक्तिलाई आइतबार प्रहरीले पक्राउ गरेको छ।

बुधबार साँझ भएको यस घटनालाई जापानमा हिंसात्मक अपराधका दुर्लभ घटनामध्ये एक मानिएको छ। आक्रमणमा ४९ वर्षीय एक पुरुषको मृत्यु भएको छ भने ३० वर्षीय एक पुरुष गम्भीर घाइते र ४० वर्षीय एक महिला सामान्य घाइते भएका थिए।

सरकारी प्रसारक एनएचकेद्वारा आयोजित पत्रकार सम्मेलनमा प्रहरीले पक्राउ परेका व्यक्तिमाथि हत्या अभियोग लगाइएको जानकारी दिएको छ। साथै, उनलाई थप आरोप लाग्ने सम्भावना रहेको उल्लेख गरिएको छ। जापानी सञ्चारमाध्यमले अनुसन्धान स्रोतलाई उद्धृत गर्दै भनेको छ, ‘रेल स्टेसनबाहिर बस स्टपमा तीनै जनालाई लक्षित गरी आक्रमण गरिएको थियो ।’