हिउँदे अधिवेशनको पहिलो दिन संसद्‌मा प्रधानमन्त्रीले सम्बोधन गर्ने

समाचार सुन्नुहोस : 

काठमाडौँ – प्रधानमन्त्री केपी शर्मा ओली संसद्को हिउँदे अधिवेशनको पहिलो दिन सम्बोधन गर्ने तयारीमा छन्। हिउँदे अधिवेशन आगामी माघ १८ गतेका लागि तय गरिएको छ।

नेकपा एमालेका मुख्य सचेतक महेश बर्तौलाका अनुसार पहिलो दिन प्रधानमन्त्रीले संसद्मा सम्बोधन गर्ने कार्यक्रम सुनिश्चित भएको छ। उनले आजै प्रधानमन्त्रीसँग भेटेर यसबारे छलफल गरेका थिए। भेटमा प्रधानमन्त्रीले सम्बोधन गर्ने इच्छा व्यक्त गरेको जानकारी बर्तौलाले सभामुखलाई समेत दिएका छन्।

हिउँदे अधिवेशनको तयारीलाई लिएर सभामुख देवराज घिमिरेले सत्तापक्षका मुख्य सचेतकहरूसँग छलफल गरिसकेका छन्। यस्तै, सभामुखले प्रमुख प्रतिपक्षी दलका मुख्य सचेतकसँग पनि आजै बैठक गर्न लागेको जानकारी आएको छ।