चितवनमा युवकमाथि निर्घात कुटपिट गर्ने असई निलम्बनमा

समाचार सुन्नुहोस : 

काठमाडौँ – चितवनमा एक युवकलाई निर्घात कुटपिट गर्ने एक प्रहरी निलम्बनमा परेका छन्। चितवन जिल्ला प्रहरी कार्यालयका एसपी गौतम मिश्रका अनुसार असई बुद्धिबहादुर भुजेलले पुस १५ गते राति ११ बजे भरतपुर महानगरपालिका-११ को तीनखोले गुम्बानजिक बाइपास रोडमा चेकिङका क्रममा युवकमाथि कुटपिट गरेका थिए।

भुजेल अस्थायी प्रहरी बिट गणेशधाममा कार्यरत थिए। घटनाको भिडियो सामाजिक सञ्जालमा भाइरल भएपछि प्रहरीले अनुसन्धान सुरु गरेको हो। डिएसपी ज्ञानकुमार महतोको नेतृत्वमा पाँच सदस्यीय छानबिन समिति गठन गरिएको छ, जसले घटनाको सत्यतथ्य पत्ता लगाउने प्रयास गरिरहेको छ।