कुलमानले ऊर्जा मन्त्रालयमा बुझाए स्पष्टीकरणको जवाफ

समाचार सुन्नुहोस :

काठमाडौँ – नेपाल विद्युत् प्राधिकरणका कार्यकारी निर्देशक कुलमान घिसिङले आइतबार ऊर्जा, जलस्रोत तथा सिँचाइ मन्त्रालयलाई आफ्नो स्पष्टीकरण पत्र बुझाएका छन्। मन्त्रालयले उनलाई ‘तपाईंलाई पदबाट किन नहटाउने?’ भन्ने विषयमा गत सोमबार नौबुँदे स्पष्टीकरण सोधेको थियो र सात दिनभित्र जवाफ पेश गर्न भनेको थियो।

घिसिङले यसअघि शुक्रबार आफूले प्राधिकरणमा गरेको मुख्य उपलब्धिहरूको विवरण पेश गरेका थिए। त्यसपछि आइतबार स्पष्टीकरण पत्र बुझाएका हुन्। ऊर्जा मन्त्रालयले घिसिङको जवाफ चित्तबुझ्दो नभए उनलाई पदबाट हटाउने तयारी गरिरहेको चर्चा छ।