अजरबैजान एयरलाइन्सको विमान दुर्घटनामा पुटिनले मागे माफी

काठमाडौं – रुसी राष्ट्रपति भ्लादिमिर पुटिनले अजरबैजानका राष्ट्रपतिसँग आफ्नो देशको हवाई क्षेत्रमा भएको ‘दुःखद घटना’ माफी मागेका छन् । रुसले युक्रेनी ड्रोन आक्रमणबाट जोगाउन आफ्नो वायु रक्षा प्रयोग गर्दा अजरबैजानको एक यात्रु विमान दुर्घटनाग्रस्त भएको बताइएको छ ।

तर, शनिबार विज्ञप्ति जारी गर्दै पुटिनले अजरबैजानी विमान खसालेमा रुसको भूमिका रहेको बताएनन् । अजरबैजानी विमान बुधबार कजाकिस्तानको अक्ताउ सहरमा अवतरण गर्ने क्रममा दुर्घटनामा परेको छ । यो विमान अवतरण गर्ने बित्तिकै यसमा आगो लाग्यो। त्यति बेला विमान रुसको दक्षिणी भागबाट फर्कँदै थियो ।

दक्षिणी रुसमा युक्रेनी ड्रोन आक्रमण भइरहेको थियो र रुसी वायुसेना तिनीहरूलाई रोक्नमा व्यस्त थियो। उक्त विमान दुर्घटनामा ३८ जनाको मृत्यु भएको थियो ।