काठमाडौं – जबर्जस्ती करणी र आत्महत्याका सबैभन्दा धेरै घटना कोशी प्रदेशमा भएको नेपाल प्रहरीको अध्ययनले देखाएको छ । प्रहरी प्रधान कार्यालयकाअनुसार चालू आर्थिक वर्षको पहिलो चार महीनामा भएका घटनामा कोशी अगाडि देखिएको हो ।
साउनदेखि कात्तिकसम्म सबैभन्दा धेरै कोशी प्रदेशमा आत्महत्या र जबर्जस्ती करणीका घटना दर्ता भएको प्रहरी प्रवक्ता विश्व अधिकारीले बताए । देशभर साउनदेखि कात्तिकसम्म ८२३ वटा जबर्जस्ती करणीका घटना दर्ता भएका छन् । यसमध्ये सबैभन्दा बढी कोशी प्रदेशमा १९५ वटा जबर्जस्ती करणीका घटना भएका छन् ।
मधेश प्रदेशमा ८८, बागमती प्रदेशमा ८१, लुम्बिनी प्रदेशमा १४४, कर्णाली प्रदेशमा ६० र सुदूरपश्चिममा ६६ वटा घटना दर्ता भएका छन् । सबैभन्दा कम गण्डकी प्रदेशमा ६५ वटा घटना भएका छन्। काठमाडौं उपत्यकामा मात्रै १२४ घटना भएको प्रहरीको तथ्यांक छ । यसैगरी, सबैभन्दा धेरै आत्महत्याका घटना पनि कोशी प्रदेशमै भएको देखिएको छ । साउनदेखि कात्तिकसम्म कोशी प्रदेशमा ४८३ वटा आत्महत्याका घटना भएका छन् ।
मधेश प्रदेशमा ३९२, बागमतीमा २८६, गण्डकीमा २०३, लुम्बिनीमा ४३३, कर्णालीमा १०४ र सुदूरपश्चिममा १७४ घटना भएका छन् । त्यस्तै, काठमाडौं उपत्यकामा मात्रै १६१ वटा घटना भएका छन् ।
Samudrapari.com is No. 1 Nepalese online News Portal based in Japan established in the year 2006.
