एनपीएलमा आज दोस्रो क्वालिफायर खेल, जनकपुर बोल्ट्स र कर्णाली याक्स भिड्दै

समाचार सुन्नुहोस : 

काठमाडौँ –  नेपाल प्रिमियर लिग (एनपीएल) को दोस्रो क्वालिफायर खेल आज (बिहीबार) जनकपुर बोल्ट्स र कर्णाली याक्सबीच हुनेछ। खेल कीर्तिपुरस्थित त्रिवि क्रिकेट मैदानमा मध्यान्ह १२ बजे सुरु हुनेछ।

पहिलो क्वालिफायरमा सुदूरपश्चिम रोयल्ससँग ८ विकेटको हार बेहोरेपछि जनकपुर दोस्रो क्वालिफायरमा पुगेको हो। कर्णालीले भने एलिमिनेटर खेलमा चितवन राइनोजलाई २१ रनले पराजित गर्दै आफ्नो स्थान सुरक्षित गरेको छ। प्लेअफमा तेस्रो स्थानमा रहेको कर्णालीले चितवनलाई हराएको थियो। जसले चौथो स्थानमा रहँदै प्रतियोगिताबाट बाहिरिँदा १५ लाख रुपैयाँ जितेको छ।

एनपीएलको च्याम्पियन टोलीले १ करोड १० लाख रुपैयाँ पुरस्कार जित्नेछ। जबकि उपविजेताले ५१ लाख पाउनेछ। तेस्रो र चौथो स्थानमा रहने टोलीले क्रमशः २५ लाख र १५ लाख रुपैयाँ पुरस्कार हात पार्नेछन्।