समाचार सुन्नुहोस :
काठमाडौँ – काठमाडौं महानगरपालिका–१६ मा उपनिर्वाचनका लागि मतदान जारी छ। यसै क्रममा उपप्रधानमन्त्री तथा सहरी विकास मन्त्री प्रकाशमान सिंहले युवा माध्यमिक विद्यालय, पाकनाजोलस्थित मतदान केन्द्रमा पुगेर आफ्नो मताधिकार प्रयोग गरेका छन्।
वडा नम्बर १६ को वडाध्यक्ष पदका लागि १८ जना उम्मेदवार प्रतिस्पर्धामा छन्। तीमध्ये १० जना स्वतन्त्र उम्मेदवार छन्। ०७९ को निर्वाचनमा नेपाली कांग्रेसबाट निर्वाचित वडाध्यक्ष मुकुन्द रिजालको निधन भएपछि यहाँ उपनिर्वाचन भएको हो ।
