समाचार सुन्नुहोस :
काठमाडौँ – सत्तारूढ दल नेकपा एमालेले आज आफ्नो सचिवालय बैठक आयोजना गर्दैछ। पार्टीका प्रचार विभाग प्रमुख राजेन्द्र गौतमका अनुसार बैठक बिहान ११ बजे ललितपुरको च्यासलस्थित केन्द्रीय कार्यालयमा हुनेछ।
पार्टी अध्यक्ष तथा प्रधानमन्त्री केपी शर्मा ओलीको अध्यक्षतामा बस्ने बैठकमा समसामयिक राजनीतिक अवस्थाबारे छलफल हुनेछ। यससँगै, सरकार सञ्चालनका लागि गठित समन्वय संयन्त्र, आगामी उपनिर्वाचनका तयारीहरू लगायतका मुद्दाहरूमा पनि बैठकमा विचारविमर्श गरिने बताइएको छ।***
