टोकियो – अन्तर्राष्ट्रिय बिहुकोट विकास मञ्चले जापानको ऐतिहासिक ठाउँ हिरोसिमा तीज कार्यक्रम भव्यरुपमा सम्पन्न गरेको छ । मञ्चले यही सेप्टेम्बर ४ तारिख बुधबारका दिन तीज कार्यक्रम रुपमा सम्पन्न गरेको हो ।
गोविन्दप्रसाद कँडेलको अध्यक्षता भएको कार्यक्रममा जापानी नागरिक ताकादा तोयोको प्रमुख अतिथि थिए । नेपाल र जापानबीचमा विविध विद्यामा उहाँहरूको टिमले विगतदेखि नै राम्रो काम गरेको संस्थाका महासचिव मेगनाथ कँडेलले बताउनुभयो। १४ जना जापानीलाई सुरुमै मायाको चिनो प्रदान गरेर तीजको औपचारिक कार्यक्रम सुरु भएको थियो ।
संस्थाका कोषाध्यक्ष माया कँडेलले स्वागत मन्तव्यसहित पञ्चकन्या पूजन गरि मौलिक गीत गाएर थप रोचक बनेको थियो । महासचिव कँडेलले सञ्चालन गरेको कार्यक्रममा संस्थाका उपाध्यक्ष टिकाराम कँडेलले मन्तव्य राखेका थिए भने अध्यक्ष कँडेलले मन्तव्य राखेपछि औपचारिक कार्यक्रम सकिएको थियो । पहिलो चरणको समापनसँगै दोस्रो चरणमा कार्यक्रम प्रवेश गरेको थियो ।
दोस्रो चरणमा मञ्चको कला संस्कृत विभागका उपप्रमुख प्रकाश कँडेलले प्रस्तुति दिएका थिए । कलाकारहरू काजल गुरुङ, कुलवीर थापा, प्रेम सापकोटा (सोनु)ले मनोरञ्जन दिएका थिए । सो चरणमा कार्यक्रम सञ्चालन कुलवीर थापाले गरेका थिए । उपस्थित दर्शकहरू छमछम नाच्दा माहौल तातेको थियो भने स्टेजबाट तल झरेर स्वयं थापा नाचेपछि थप रोचक बनेको थियो ।
कार्यक्रम सफल बनाउन संस्थाका साथीहरु पूर्ण कँडेल, तुलसीराम कँडेल, इन्द्र कँडेल, भिम कँडेल, थानेश्वोर कँडेल लगायतका साथीहरु भौतिकरुप मै खटिनु भएको थियो भने हिरोसिमाबाट भौतिक, आर्थिक,नैतिक, सहयोग भएको थियो । जसमा मुख्य भूमिका विमल न्यौपाने, रविलाल गैरे, यामलाल कँडेल, रवि सापकोटा, नमस्ते रेस्टुरेन्टका मणिराम कँडेलको ठुलो योगदान रहेको आयोजकको भनाई छ । संस्थाका महासचिव तथा कार्यक्रम संयोजक मेगनाथ कँडेलले महत्वपूर्ण भूमिका खेल्नु भएको थियो ।
कार्यक्रममा क्यान्सर पीडित सृजना खड्काको लागि सहयोग पेटिका समेत राखिएको थियो । नेपालबाट जापान भ्रमणमा आएका अभिभावकलाई सम्मान गरेर प्रणाम पत्र वितरणसहित कार्यक्रम सकिएको हो ।
