ललितपुरको भैंसेपाटीमा विद्यालयकै होस्टलमा एक विद्यार्थी मृत फेला

समाचार सुन्नुहोस : 

काठमाडौँ – ललितपुरको भैंसेपाटीस्थित एक होस्टलमा शनिबार बेलुकी एक विद्यार्थी मृत अवस्थामा फेला परेका छन्। जिल्ला प्रहरी परिसर ललितपुरका एसपी नरेशराज सुवेदीका अनुसार मृतक २९ वर्षीय सकुल मर्डी हुन्। उनी मोरङका बासिन्दा हुन्। उनी डिएमआई बाइबल स्कुलको होस्टलमा सुतिरहेको अवस्थामा मृत भेटिएका थिए।

प्रहरीले घटनाको प्रारम्भिक अनुसन्धान सकेर शवलाई पोष्टमर्टमका लागि पाटन अस्पताल पठाएको छ। प्रारम्भिक जानकारीअनुसार मृतक छारे रोगको बिरामी थिए। तर, मृत्युको वास्तविक कारण पोष्टमर्टमपछि मात्रै थाहा हुने बताइएको छ।