समाचार सुन्नुहोस :
काठमाडौँ – आज नेपाली बजारमा सुनको मूल्य तोलामा रु पाँच सयले घटेको छ। नेपाल सुनचाँदी व्यवसायी महासंघका अनुसार बिहीबार छापावाला सुनको मूल्य प्रतितोला रु एक लाख ५१ हजार नौ सय थियो भने आजको मूल्य घटेर रु एक लाख ५१ हजार चार सयमा निर्धारण गरिएको छ।
त्यस्तै, चाँदीको मूल्य पनि घटेको छ। बिहीबार प्रतितोला रु एक हजार आठ सय ३० रहेको चाँदीको मूल्य आज रु एक हजार आठ सय १५ तोकिएको छ, जसले गर्दा चाँदीको मूल्य तोलामा रु १५ ले घटेको हो।
