टोकियो – जापानलाई कर्मथलो बताएकी गायिका शान्ता जिसीको नयाँ तीज गीत सार्वजनिक भएको छ । ‘फेरी आयो तिजै…’ बोलको गीतमा शान्तालाई प्रेम सापकोटा सोनुले गायनमा साथ दिएका छन् ।
गायक सापकोटाले नै सिर्जना गरेको गीतमा संगीत संयोजन विश्वास नेपालको छ । विदेशमा रहेका नेपाली चेलीहरूलाई चाडपर्व आउँदा पर्ने पीडालाई मार्मिक ढंगबाट प्रस्तुत गरिएको गीत निकै उत्कृष्ट बनेको छ ।
शान्ताको आफ्नै च्यानलबाट सार्वजनिक गरिएको गीतको भिडिओमा शिशिर पौडेल र अन्जु निरौलाको अभिनय रहेको छ । दुर्गा पौडेलले निर्देशन र छायांकन गरेको भिडिओलाई नवीन घर्ती मगरले रंग संयोजन र सम्पादन गरेका हुन् ।
शान्ता जिसीले यसअघि ‘सुनको वाला’, ‘घरबारी यस्तो भा छ मलाई त’ लगायतका गीत सार्वजनिक गरिसकेकी छन् भने एकल एल्बम ‘बाचा’ सार्वजनिक गरेकी छन् ।
