समाचार सुन्नुहोस :
काठमाडौँ – गैरआवासीय नेपाली संघ (एनआरएनए)को टोलीले हालै नियुक्त परराष्ट्रमन्त्री डा. आरजु राणासँग भेट गरेको छ। एनआरएनएका संस्थापक अध्यक्ष डा. उपेन्द्र महतोको नेतृत्वमा भएको टोलीले मन्त्री राणाको सफल कार्यकालको लागि बधाई तथा शुभकामना दिएको थियो ।
विहीबार काठमाडौंमा भएको भेटघाटमा संघका अध्यक्ष डा. बद्री केसीले परराष्ट्रमन्त्री राणालाई एनआरएन अभियानका वर्तमान महत्त्वपूर्ण विषयबारे जानकारी गराए। मन्त्री राणाले एनआरएन अभियानसँग मिलेर देशको समृद्धिका लागि रचनात्मक सहकार्य गर्ने प्रतिबद्धता जनाइन्।
भेटघाटमा एनआरएनए उपाध्यक्ष रोजिना प्रधान, अर्जुन श्रेष्ठ लगायतका व्यक्तिहरू पनि उपस्थित थिए।
