समाचार सुन्नुहोस :
काठमाडौँ – नवनियुक्त प्रधानमन्त्री केपी शर्मा ओलीले आज पद तथा गोपनीयताको शपथ लिँदै छन् । राष्ट्रपति रामचन्द्र पौडेलले ओलीलाई आज बिहान ११ बजे शीतल निवासमा शपथ ग्रहण गराउने कार्यक्रम छ।
राष्ट्रपति पौडेलले नेपालको संविधानको धारा ७६ को उपधारा (२) अनुसार शनिबार एमाले अध्यक्ष ओलीलाई प्रधानमन्त्री नियुक्त गरेका थिए।प्रतिनिधिसभामा सबैभन्दा ठूलो दल नेपाली कांग्रेस र एमालेका सांसदहरूको समर्थनमा ओली प्रधानमन्त्री बनेका हुन्। उनले आजै कांग्रेस र एमालेका मन्त्रीहरू समावेश गरेर मन्त्रिपरिषद् विस्तार गर्ने तयारी गरेका छन्।
