समाचार सुन्नुहोस :
काठमाडौँ – गएराति नारायणगढ–मुग्लिन सडकमा आएको पहिरोका कारण यात्रुसहित त्रिशुलीमा बेपत्ता भएका दुई बसको खोजी कार्य स्थगित गरिएको छ। सशस्त्र प्रहरी बलका प्रवक्ता डीआईजी कुमार न्यौपानेका अनुसार, बिहानैदेखि खोजी भए पनि बसहरू नभेटिएपछि आजको लागि खोजी स्थगित गरिएको हो। अब भोलि बिहान खोजी पुनः सुरु गरिनेछ।
नदीको पानीको बहाव घटेको छैन र रातिको समयमा जोखिम हुने भएकाले खोजी स्थगित गरिएको न्यौपानेले बताए।त्रिशुलीमा हराएका बसहरू खोज्न ५ मोटरबोट र गोताखोर टोली प्रयोग गरिएको थियो।
भरतपुर महानगरपालिका–२९ सिमलतालमा बिहान करिब ३ बजे वीरगञ्जबाट काठमाडौं आउँदै गरेको बस र काठमाडौंबाट गौर जाँदै गरेको बसलाई पहिरोले बगाएको थियो।
