समाचार सुन्नुहोस :
काठमाडौँ – विराटनगरमा सोमबार राति २१ वर्षीय करण कामतको हत्या केटी जिस्क्याएको विवादका कारण भएको खुलासा भएको छ। मोरङ प्रहरीले हत्यामा संलग्न ४ जनालाई पक्राउ गरेको छ।
पक्राउ पर्नेमा सोनु गिरी, दावा शेर्पा, सञ्जय पुरी र एक जना नाबालक छन्। प्रहरीका अनुसार, कामतको हत्या नेपाल टेलिकम कार्यालय नजिकै कैँचीले प्रहार गरी भएको हो।
कामतसहित ३ जनालाई घाइते अवस्थामा कोशी अस्पताल पुर्याइएकोमा कामतको मृत्यु भएको छ। विक्रम मण्डल र अमन राय घाइते भएका छन। रायको अवस्था गम्भीर छ। प्रारम्भिक अनुसन्धानले केटी जिस्क्याएको विवादमा हत्या भएको पुष्टि भएको छ।
