समाचार सुन्नुहोस :
काठमाडौँ – अशोक राईको नेतृत्वमा रहेको जनता समाजवादी पार्टी (जसपा)ले प्रधानमन्त्री पुष्पकमल दाहाल ‘प्रचण्ड’लाई दिएको समर्थन फिर्ता लिएको छ। उपेन्द्र यादवको नेतृत्वमा रहेको जसपा नेपालबाट अलग भएका अशोक राई संग प्रतिनिधि सभामा सात जना सांसद छन्।
जसपाबाट वर्तमान सरकारमा दुई मन्त्री र एक राज्यमन्त्री छन्: प्रदीप यादव (स्वास्थ्य तथा जनसंख्यामन्त्री), नवलकिशोर साह सुडी (वन तथा वातावरण मन्त्री) र हसिना खान (स्वास्थ्य राज्यमन्त्री)।
यसअघि, नेकपा एमालेले आफ्ना मन्त्री फिर्ता बोलाउँदै सरकारलाई दिएको समर्थन फिर्ता लिएको थियो। नेपाली कांग्रेस र नेकपा एमालेबीच नयाँ सत्ता समीकरण बनेपछि प्रधानमन्त्री दाहाल अल्पमतमा परेका छन् र उनले जेठ २८ गते विश्वासको मत लिने तयारी गरेका छन्।
