काठमाडौं – नागरिक उन्मुक्ति पार्टी (नाउपा) का बहुमत सदस्यले पार्टी अध्यक्षसमेत रहेकी रञ्जिता श्रेष्ठलाई संसदीय दलको नेताबाट हटाएका छन् । नाउपाका चार सांसदमध्ये तीन जनाले श्रेष्ठलाई हटाएका हुन् ।
उनीहरूले संसदीय दलको नेतामा गंगा चौधरीलाई चयन गरेका छन् । नाउपाका चार सांसदमध्ये गंगा चौधरी, अरुण चौधरी र लालवीर चौधरी एकातर्फ उभिएपछि गंगा चौधरी संसदीय दलको नेतामा चयन भएका हुन् । उनी यसअघि नाउपाको प्रमुख सचेतक थिए ।
योसँगै रञ्जित संसदीय दलमा एक्लिएकी छन् । यस्तै, नाउपाका संरक्षकसमेत रहेका रेशमलाल चौधरीका बुबा लालवीर चौधरीले प्रमुख सचेतकको जिम्मेवारी पाएका छन् ।
