समाचार सुन्नुहोस :
काठमाडौँ – आइतबार जापानको फुकुशिमा तटीय क्षेत्रमा ४.९ रेक्टर स्केलको भूकम्प गएको छ। जापानको मौसम विज्ञान एजेन्सी (जेएमए) का अनुसार, भूकम्पको केन्द्रविन्दु फुकुशिमा प्रान्तको तटीय क्षेत्रमा ५० किलोमिटर गहिराइमा रहेको थियो।
भूकम्पका कारण कुनै मानवीय वा भौतिक क्षतिको सूचना प्राप्त भएको छैन। जापान चार टेक्टोनिक प्लेटहरूको मिलन बिन्दुमा अवस्थित भएकोले भूकम्पीय गतिविधिको लागि विशेष रूपमा संवेदनशील छ। साथै, यो १०० सक्रिय ज्वालामुखीहरूको घर पनि हो।
सन् २०११ मा ९ रेक्टर स्केलको भूकम्प र त्यसपछि आएको सुनामीले १५ हजारभन्दा बढी मानिसको मृत्यु र फुकुशिमा आणविक केन्द्रमा ठूलो विपत्ति निम्त्याएको थियो।