काठमाडौं – प्रविधिको विकास र यसको सदुपयोगले विश्व धेरै अगाडि पुगिसकेको छ । नेपालका कतिपय स्थानमा भने अझै पनि पूर्ण रुपमा इन्टरनेट पुगेको छैन । ग्रामीण भेगमा अझै पनि मोबाइल इन्टरनेटको भर पर्नुपर्ने अवस्था छ ।
तर, संसारका यस्ता देशहरु पनि छन् । जहाँ प्रविधिको उच्चतम प्रयोग गरिएको छ । आज हामी ती त्यस्ता देशका बारेमा चर्चा गर्दैछौँ । जुन देश प्रविधिमा निकै अगाडि छन् ।
विभिन्न रिपोर्टहरुका अनुसार विश्वमा प्रविधिको क्षेत्रमा सबैभन्दा अगाडि जापान छ । यो देशमा लगभग सबै क्षेत्रमा डिजिटल बनाइएको छ भने रेष्टुरेन्ट, हस्पिटल लगायत कैयन् स्थानमा रोबोटहरुको प्रयोग गरिएको छ ।
त्यस्तै जापानपछि दोस्रो नम्बरमा दक्षिण कोरिया पर्छ । उक्त देशमा पनि प्रविधिको उच्चतम प्रयोग गरिएको छ भने शहरी क्षेत्रलाई थप डिजिटल बनाइएको छ । डिजिटल संरचनाको विकासमा अमेरिका तेस्रो नम्बरमा आउँछ । त्यस्तै चौथो नम्बरमा चीन पर्छ ।
वर्ल्ड रेकर्ड र युएस न्यूजका अनुसार यी हुन् उत्कृष्ट दश देशः
१. जापान
२. दक्षिण कोरिया
३. अमेरिका
४. चीन
५. जर्मनी
६. युके
७. सिंगापुर
८. युएई
९. क्यानडा
१०. स्वीडेन
