समाचार सुन्नुहोस :
काठमाडौँ – १८ वर्षपछि जापान पुगेका जनमत पार्टीका अध्यक्ष डा.सिके राउतले त्यहाँको टोकियो युनिभर्सिटीको भूमिलाई ढोगेका छन् । उनले आफू पढेको सो कलेजलाई ढोगेका हुन् ।जापान सरकारको मोनबुसो छात्रवृत्ति पाएर टोकियो युनिभर्सिटीबाट स्नातकोत्तर गरेका सिके राउत त्यहाँबाट फर्केपछि पहिलो पटक जापान भ्रमणमा गएका हुन् ।
उनी जापान उड्नुअघि आफ्नो फेसबुकमा लेखेका थिए, ‘किन हो किन मलाई एक पटक जापान गएर त्यो भूमिलाई, ‘सेन्सई’ लाई, साथीभाइहरूलाई धन्यवाद दिऊँ जस्तो लागिराख्छ । मेरो व्यक्तित्व निर्माणमा, मेरो सोचमा र मेरो उपलब्धिमा जापानको ठुलो योगदान छ ।’