काठमाडौं – गायक महेश काफ्ले आफ्नो नयाँ गीत ‘चाइना जापान’ को म्युजिक भिडियोमार्फत दर्शक तथा श्रोतामाझ आएका छन् ।
गायक काफ्लेले आफ्नै युट्युब च्यानल महेश एण्ड मोरबाट सार्वजनिक गरेको उक्त गीतमा शब्द रचना तथा संगीत पनि गायक काफ्लेकै रहेको छ । माया, प्रेममा असफल युवाको कथा गीतमा व्यक्त गर्न खोजिएको छ ।
सुनिल शिव भक्तिको निर्देशन तथा सम्पादन रहेको भिडियोलाई मनिश नेपालले छायांकन गरेका हुन् । भिडियोमा महेश काफ्ले, जस्मिन दोङ, अनुज कार्की, प्रमिता क्षेत्री, नोरीन गौतम र प्रजन पौडेलको अभिनय रहेको छ ।
गायक महेश काफ्लेको नाच फिरिरि, माया बिरानी, तातो गोली, लज्जावती झार लगायतका गीतहरू लोकप्रिय छन् ।
