समाचार सुन्नुहोस :
काठमाडौँ – वैदेशिक रोजगारीको लागि कुवेत पुगेको तीन नेपालीको सडक दुर्घटनामा परी ज्यान गएको छ । मंगलवार बिहान कुवेतको महाबुल्ला क्षेत्रको सी-साइड सडकमा भएको सडक दुर्घटनामा परी एकै कम्पनीमा कार्यरत तीन जना नेपालीको दुर्घटनास्थलमै ज्यान गएको हो ।
मृत्यु हुनेमा सानोभर्याङ्ग, नागार्जुन–२ काठमाडौंका सुजन कार्की, लयती पन्चदेवल विनायक–५ आछामका सुरतबहादुर कडायत र वेंगादवार–३ धनुषाका धिरज गुर्मछान मगर छन् । साथी सुरतको कोठाबाट कम्पनीको कामको लागि हिंड्ने क्रममा बाटो काट्दै गर्दा स्थानीय नागरिकको गाडीले ठक्कर दिंदा तीन जनाको घटनास्थलमै ज्यान गएको हो ।
मृतकहरु कुवेतको एउटै कम्पनीमा कार्यरत सहकर्मीहरु हुन् । उनीहरु कुवेतको पापाजोन कम्पनीमा काम गर्दै आएका थिए । घटनापछि गाडी चालकलाई प्रहरीले नियन्त्रणमा लिनुको साथै मृतकहरुको शवलाई पोष्टमार्टमका लागि फरवानिया हस्पिटल राखिएको छ । नेपाली राजदूतावास अनुसार दुर्घटनाको सूचना पाए लगतै परिवार तथा कम्पनीसँग सम्पर्कमा रहेको र मृतकका शवहरु नेपाल पठाउने तथा इन्सुरेन्सको लागि पहल गर्नुको साथै आवश्यक प्रक्रिया अगाडि बढाउने जानकारी गरेको छ ।
