समाचार सुन्नुहोस :
काठमाडौँ – सत्तारुढ दल नेकपा (माओवादी केन्द्र) को स्थायी कमिटी बैठक आज पनि बोलाइएको छ । पार्टी मुख्यालय पेरिसडाँडामा बस्ने बैठकमा नेताहरूको कार्यविभाजनलाई अन्तिम रूप दिने तयारी छ।
मंगलबार बिहान बसेको बैठकबाट ठोस निष्कर्ष नआएपछि आज पुनः बस्न लागेको हो। बैठकमा विशेषगरी राष्ट्रिय सभा अध्यक्ष माओवादीले छोड्न नहुने अधिकांशले सुझाव दिएका छन्।
बैठकमा आगामी जागरण अभियानबारे पनि छलफल हुने बताइएको छ। यसअघि मंगलबारको बैठकमा कांग्रेस महासमिति बैठकले गरेको निर्णय, सुदूरपश्चिम प्रदेशमा माओवादी भित्र देखिएको विवाद र राष्ट्रिय सभा अध्यक्ष सम्बन्धमा छलफल भएको थियो। आजको बैठकले पार्टीका अन्तिम निर्णय सार्वजनिक गर्ने बताइएको छ ।
