मंगलबार, बैशाख ०४, २०८१
Tuesday, April 16, 2024

काठमाडौं – काठमाडौंको थापाथलीस्थित परोपकार प्रसूति तथा स्त्रीरोग अस्पतालबाट बच्चा चोरेको आरोपमा पक्राउ परेकी महिलालाई अदालतले ५ दिन हिरासतमा राख्न अनुमति दिएको छ । फागुन ११ मा दैलेख घर भएकी २४ वर्षीया मनकुमारी सिंहले अस्पतालबाट २६ दिनको बालिका चोरी गरेकी हुन् ।

आरोपी सिंहलाई ५ दिन हिरासतमा राखेर अनुसन्धान गर्न जिल्ला अदालत काठमाडौँले अनुमति दिएको जिल्ला प्रहरी परिसर काठमाडौँका एसएसपी भूपेन्द्र खत्रीले जानकारी दिए । २४ वर्षीया मनकुमारी विरुद्ध प्रहरीले प्रहरीले अपहरण तथा शरीर बन्धक मुद्दामा जाहेरी दर्ता गरेर अनुसन्धान गरिरहेको छ ।

यसअघि प्रहरीले सोधपुछका लागी नियन्त्रणमा लिएको उनका पछि दैलेखको नौमुले गाउँपालिका–१ घर भएर काठमाडौँ काँडाघारी बस्ने २८ वर्षीय नरेन्द्र मल्ल र दिदी शारदा शाहीलाई थुनामुक्त गरेको छ ।

मनकुमारी सिंहले आफूले बेहोसीमा शिशु चोरी गरेको बयान दिएकी छन् । प्रहरी वृत्त सिंहदरबारको थुनामा रहेकी मनिषाले अस्पताल पुगेपछि आफ्नो होस् गुमेको हुँदा बच्चा बोकेर हिँडेको प्रहरीलाई बताएकी छन् । प्रहरीको सोधपुछमा उनले भेनेकी छिन्, ‘अर्काको बच्चा बोकेर कसरी घर पुगें । किन गएँ, केही थाहा नै छैन ? मैले बेहोसीमा पुगेर यस्तो गरें ।’

प्रहरीले बच्चा चोरी भएको १२ घण्टापछि सकुशल उद्धार गर्दै उनलाई पक्राउ गरेको थियो । मनिषाले शुक्रबार काभ्रेपलाञ्चोक चौरीदेउराली गाउँपलिका–३ घर भई कपन बस्दै आएकी २२ वर्षीया सबिना श्रेष्ठकी शिशु चोरेकी थिइन् ।

तपाईको प्रतिक्रिया