बुधबार, बैशाख १२, २०८१
Wednesday, April 24, 2024

काठमाडौं – अध्यागमन विभागका महानिर्देशक रुद्रसिंह तामाङविरुद्ध भ्रष्टाचारको आरोपमा मुद्दा दायर भएको छ । अख्तियार दुरुपयोग अनुसन्धान आयोगले आइतबार उनीसहित १५ जना कर्मचारी र तीन वटा कम्पनीविरुद्ध मुद्दा दायर गरेको हो ।

मेलम्ची खानेपानी विकास समितिका तत्कालीन बोर्ड सदस्य तामाङले ११ हरोड, ९ लाख १७ हजार ४५८रुपैयाँ ८८ पैसा भ्रष्टाचार गरेको आरोप छ । भ्रष्टाचार निवारण ऐन, २०५९ को दफा १७ को कसुरमा सोही दफाले निर्देश गरे बमोजिम सोही ऐनको दफा ३ (१) र ३ (१) (झ) बमोजिम कैद र जरिवाना गरी दफा १७ बमोजिम बिगो असूल हुन समेत मागदाबी लिइएको छ ।

उक्त निर्माण व्यवसायीलाई २०७० असार ३१ गते एक हजार १५ दिन भित्रमा बाँकी निर्माण सम्पन्न गर्ने गरी ७ अर्व ७२ करोड बराबरको सम्झौता भएकोमा ठेक्का सम्झौता भएको मितिमा निर्माण व्यवसायीले साइड छाडेर गएको अख्तियारले जनाएको छ । परामर्शदाता र सम्झौताका दुवै पक्ष मिलि भ्रष्टाचार गरेको अख्तियारको आरोप छ ।

सरकारी सम्पत्ति हानी नोक्सानी गराएर निर्माण व्यवसायीलाई फाइदा पुर्याएको र बैंक जमानीबाट असुल गरी सोमा लाग्ने ब्याज ११ करोड ९ लाख १७ हजार ४५८ रुपैयाँ ८८ पैसा असुल नगरेको आरोप तामाङमाथि छ ।

तपाईको प्रतिक्रिया