पहिचानवादी र कोशी सरकारबीच पाँच बुँदे सहमति

काठमाडौं – कोशी प्रदेश सरकार र पहिचान पक्षधरबीच पाँच बुँदे सहमति भएको छ । पहिचानका आधारमा पुन नामाङ्कन गर्न दुवै पक्षले पहल गर्ने लगायतका ५ बूँदे सहमति भएको हो ।

दुई पक्षबीच प्रदेशको पुनः नामाकरण सम्बन्धमा सहमति हुने राजनीतिक वातावरण बनाउन सरकार र आन्दोलनरत पक्षबाट संविधानसम्मत राजनीतिक पहल र छलफल बढाउने सहमति भएको छ । आन्दोलनरत पक्षले आन्दोलनको स्वरुप परिवर्तन गरी शान्तीपूर्ण राजनीतिक गतिविधि अगाडी बढाउने र सरकारको तर्फबाट कुनै पनि प्रकारको बल प्रयोग नगर्ने सहमति छ ।

पहिचानको आन्दोलनका क्रममा भएका घाईतेहरुको उपचारको व्यवस्थापन र शहिद परिवारलाई क्षतीपूर्तिको व्यवस्था प्रदेश सरकारले प्रवन्ध गर्ने र पहिचानको आन्दोलनको क्रममा कारागारमा रहेकाहरुको रिहाई र मुद्धा लागेका व्यक्तिहरुको मुद्धा फिर्ताको प्रकृया प्रदेश सरकारले अगाडी बढाउने सहमति भएको छ ।

यस्तै अर्को वार्ता मिति दुबै पक्षका वार्ता समिति संयोजकहरुले आपसमा समन्वय गरी फागुन १० गते भन्दा अगाडी बस्ने गरी निर्धारण गर्ने बताइएको छ । पहिचान पक्षधरका वार्ता समिति संयोजक डकेन्द्र सिंह थेगिम अब प्रदेशका ८२ जना सांसदलाई निषेध नगर्ने जानकारी दिए ।

सहमतिको पूर्ण पाठ :-