समाचार सुन्नुहोस :
काठमाडौं – फिल्म निर्देशक तथा नायक निश्चल बस्नेतले आफ्नो नाममा रहेको तीन रोपनी पुर्ख्यौली जग्गा स्थानीय स्वास्थ्य संस्थालाई दान गरेका छन् । बुवाको इच्छामा उक्त जग्गा स्वास्थ्य संस्थालाई प्रदान गरेको निश्चलले बताए ।
इलाम नगरपालिका-१ साखेजुङमा रहेको तीन रोपनी दुई दाम दुई पैसा क्षेत्रफलको जग्गा उनले आधारभूत स्वास्थ्य उपकेन्द्रलाई दिएका हुन् । मालपोतमा जग्गा दान गर्न उनी बुवासँगै कार्यालयमा पुगेका थिए ।
‘लुट’ जस्तो सर्वाधिक सफल चलचित्र निर्देशन गरेका निश्चलको पछिल्लो निर्देशकीय फिल्म ‘दिमाग खराब’ हो ।
