सोमबार, फाल्गुण १४, २०८०
Monday, February 26, 2024

काठमाडौं – साउदी अरेबियाको एक कम्पनीले नेपाली श्रमिकलाई बाँकी तलब र सुविधा लिन बोलाएको छ । मोहमद अल मोजिल कम्पनीले तलबका लागि नेपालीलाई बोलाएको हो ।

उक्त कम्पनी टाट पल्टिएर श्रमिकको पारिश्रमिक समेत दिन नसक्ने अवस्थामा पुगेको थियो । ५ सय ७१ जना नेपाली श्रमिकले सो कम्पनीबाट तलब सुविधा लिन बाँकी छ । कम्पनीबाट पाउनुपर्ने तलब तथा अन्य सुविधा लिन बाँकी रहेका नेपाली श्रमिकको सूची सार्वजनिक गर्दै कम्पनीले उनीहरुलाई बोलाएको हो ।

कम्पनीले नेपाली कामदारसँग सम्पर्क गराई कम्पनीबाट पाउनुपर्ने सुविधा भुक्तानीमा सहजीकरण गरिदिन रियादस्थित नेपाली दूतावासलाई समेत अनुरोध गरेको छ । दूतावासले सूचना जारी गर्दै उक्त कम्पनीबाट सुविधा लिन बाँकी नेपालीलाई आवश्यक विवरण भर्न सूचना जारी गरेको छ ।

तपाईको प्रतिक्रिया