बुधबार, फाल्गुण १६, २०८०
Wednesday, February 28, 2024

समाचार सुन्नुहोस : 

काठमाडौँ – लिभरपुल पुन: इंग्लिस प्रिमियर लिगको शीर्ष स्थानमा उक्लिएको छ । गएराति बर्नलीलाई २ –० ले हराउँदै लिभरपुल पहिलो स्थानमा उक्लिएको हो । १९ खेलमा लिभरपुलको ४२ पुगेको छ । एक खेल कम खेलेको आर्सनलको ४० अंक छ ।लिभरपुललाई जीत दिलाउन डार्विन नुनेज र डिएगो जोटाले गोल गरे।

बर्नलीको मैदानमा लिभरपुलले खेल सुरु छैटौं मिनेटमै अग्रता लिएको थियो । खेलको अन्तिम मिनेटमा जोटाले गोल गरेसँगै लिभरपुलको जीत निश्चित भएको थियो। यस्तै, लिगकै अर्को खेलमा म्यानचेस्टर युनाइटेडले इंग्लिस प्रिमियर लिगमा संघर्षपूर्ण जीत निकालेको छ। रास्मन हइलुन्डको निर्णायक गोलमा युनाइटेडले मंगलबार एस्टन भिल्लालाई ३–२ पुररागमन जीत हासिल गरेको हो ।

युनाइटेडको लागि अर्को २ गोल अलेहान्द्रो गारान्चोले गरेका थिए । एस्टन भिल्लाका लागि लियन्डर डेन्डोन्कर र जना मिक्गिनले गोल गरेका थिए । भिल्लाले २१ औं मिनेटमा मिक्गिनको गोलबाट अग्रता लिएको थियो । २६औं मिनेटमा डेन्डोन्करले गोल गरेपछि घरेलु टोली २–० ले पछि परेको थियो । दोस्रो हाफमा अर्जेन्टिनी गोरान्चाले २ गोल गरेपछि युनाइटेड खेलमा फर्केको थियो।

८२ औं मिनेटमा हइलुन्डले प्रिमियर लिगमा आफ्नो पहिलो गोल गरेपछि युनाइटेडले खेल जितेको हो । अंक तालिकाको छैटौं स्थानमा उक्लिएको युनाइटेडको १९ खेलबाट ३१ अंक पुगेको छ । तेस्रो स्थानको भिल्लाको ३९ अंक छ ।

 

तपाईको प्रतिक्रिया