काठमाडौं – चीनको राजधानी बेइजिङमा दुई वटा सबवे रेल एकआपसमा ठोक्किँदा १०२ जना हड्डी भाँच्चिएर घाइते भएका छन् ।
बिहीबारको दुर्घटनापछि हड्डी भाँच्चिएर घाइते भएका र अन्य घाइते भएका सहित ५०० जनालाई अस्पताल भर्ना गरिएको थियो । चाङपिङ सबवे लाइनमा भारी हिमपात भइरहँदा दुई रेलहरू ठोक्किएको बीबीसीले जनाएको छ ।
अगाडि बढ्नुपर्ने रेल हिउँको चिप्लोले पछाडी सरेपछि पछाडिको रेलले अगाडिको रेललाई ठक्कर दिएको हो । शुक्रबार बिहानसम्म ४२३ जना अस्पतालबाट डिस्चार्ज भएका छन् ।
सबवेको दोस्रो रेलले ब्रेक लगाएता पनि दुर्घटना भने टर्न सकेन, यद्यपि घटनामा हताहतीको विवरण भने प्राप्त भएको छैन ।
