काठमाडौं – सरकारको नेतृत्व गरिरहेको नेकपा (माओवादी केन्द्र) ले पार्टीको आधिकारिक वेबसाइट सार्वजनिक गरेको छ ।
पार्टी केन्द्रीय कार्यालय पेरिसडाँडा, कोटेश्वरमा सोमवार प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्डले पार्टीको वेबसाइट उद्घाटन गरेका हुन् ।
पार्टीका सूचना र गतिविधि सम्प्रेषणका लागि वेबसाइट सञ्चालनमा ल्याइएको प्रवक्ता अग्नि सापकोटाले जानकारी दिए । ‘सीपीएन एमसी डट ओआरजी ’मा पार्टीको इतिहासदेखि पदाधिकारीको विवरण समावेश गरिएको छ ।
