काठमाडौं – मेडिकल व्यवसायी दुर्गा प्रसाईंले सर्वोच्च अदालतमा बन्दी प्रत्यक्षीकरणको रिट निवेदन दर्ता गराएका छन् । शुक्रवार प्रसाईंको भक्तपुरस्थित निवासमा बाक्लो संख्यामा सुरक्षाकर्मी परिचालन गरिएपछि उनले सर्वोच्च अदालतमा बन्दी प्रत्यक्षीकरणको रिट निवेदन दर्ता गराएका हुन् ।
प्रसाईंको पक्षबाट वरिष्ठ अधिवक्ता डा. सुरेन्द्र भण्डारीले सर्वोच्च अदालतमा रिट निवेदन दर्ता गराएका हुन् । आइतबार उक्त रिटको सुनुवाइ हुने भएको छ । बिहीबार ‘राष्ट्र बचाउ महाअभियान’का अभियन्ता प्रसाईँको नेतृत्वले बल्खुमा विरोध प्रदर्शन गरेको थियो । उनले शुक्रवार काठमाडौँको तीनकुनेमा कार्यक्रम गर्ने घोषणा गरेको थिए । तर जिल्ला प्रशासन कार्यालय काठमाडौँले सो क्षेत्रमा कार्यक्रम गर्न निषेध गरेको जनाएको छ ।
