समाचार सुन्नुहोस :
काठमाडौँ – सरकारले डिजेल र मट्टीतेलको मूल्य घटाएको छ। नेपाल आयल निगमले हिजो मंगलबार साँझ एक विज्ञप्ति जारी गर्दै डिजेल र मट्टितेलको मुल्य प्रतिलिटर ४/४ रुपैयाँ घटाएको छ । स्वचालित प्रणालीअनुसार मूल्य समायोजन गरिएको निगमले जनाएको छ ।
अब काठमाडौं उपत्यकामा डिजेल र मट्टितेलको भाउ प्रतिलिटर १६४ रुपैयाँ पर्नेछ । यसअघि भने काठमाडौं उपत्यका, पोखरा र दिपायलमा डिजेल र मट्टितेलको भाउ प्रतिलिटर १६८ रुपैयाँ थियो । निगमले पेट्रोल र एलपी ग्यासको मूल्य भने यथावत नै रहेको जनाएको छ । यसअघि निगमले असोज २८ गते पेट्रोलको भाउ लिटरमै ११ रुपैयाँ घटाएको थियो ।
