काठमाडौं – काठमाडौँमा जारी गैरआवासीय नेपाली संघ (एनआरएनए)को ११औँ विश्व सम्मेलनमा भाग लिन आएका विभिन्न देशका नेवारबन्धुहरुलाई स्वागत गर्दै तेस्रो विश्व नेवा: सम्मेलन २०२३ गत आइतबार कीर्तिपुरको ससःत्वाः हलमा सम्पन्न भएको छ ।
सम्मेलनमा प्रमुख अतिथि पूर्व रक्षामन्त्री भीमसेन दास प्रधानले कला संस्कृति र आर्थिक उत्थान सम्मिलित ९ बुँदे घोषणापत्र प्रस्तुत गरेका थिए । उक्त कार्यक्रममा बागमती प्रदेशकी सांसद हरिप्रभा खड्गी श्रेष्ठ, ज्यापु महागुथि येँ महानगर समितिका सचिव मचाराजा महर्जन, नेवा: देय् दबू स्वनिगः समितिका कजि श्रीकृष्ण महर्जनका साथै एनआरएनए आइसिसीका पूर्व कोषाध्यक्ष प्रितम श्रेष्ठ , गोबिन्द प्रसाद श्रेष्ठ (रोबिन्द) संयोजक, एनआरएनए आइसिसी एसिया प्रशान्त क्षेत्र, एनआरएनए जापानका पूर्व अध्यक्ष सुदन थापा तथा विभिन्न व्यक्तित्वहरूको उपस्थिति रहेको थियो ।
कार्यक्रममा सबैलाई आयोजकको तर्फबाट नरेश नेवाले स्वागत भाषण गरेका थिए । उक्त कार्यक्रमको संयोजन जापानमा बस्ने सुनिलकुमार शाक्यजुले गरेका हुन् ।
सम्मेलनबाट निम्न घोषणा पत्र जारी गरेको छ ।
२०२३ अक्टोबर १५ का दिन कीर्तिपुर, काठमाडौँमा सम्पन्न तेस्रो ग्लोबल नेवा: कन्फेरेन्स (Third Global Newa Conference) ले ९ बुँदे घोषणा पत्र जारी गरेको छ ।
१) NRN नेवारहरूलाई गोलबद्ध गराउँदै निरन्तर सम्पर्कमा रही एक आपसमा सुमधुर सम्बन्ध स्थापित गर्न नेवा: NRN स्थापना
२) विश्व भर रहेका नेवा : संघ संस्थाहरूसँग समन्वय तथा हातेमालो गर्दै नेपाल भाषा,लिपि ,कला , संस्कृतिको संवर्द्धन, प्रवर्द्धन, संरक्षण गर्दै विश्वका विभिन्न देशहरूमा नेवा: फ़ूड फेस्टिवल आयोजना गरी नेपालको सम्पदा विश्वव्यापी रूपमा फैलाई नेपालको पर्यटक विकासमा टेवा पुर्याउने
३ ) विदेशमा रहँदा आफूले आर्जन गरेको सीप ,ज्ञान, कला, कौसललाई नेपाल र नेपालीको हितमा अधिकतम उपयोग गर्न कटिबद्ध हुँदै
४)संसार भर छरिएर रहने नेवारबन्धुहरुलाई NRNA अभियानमा सहभागी हुन प्रोत्साहित गर्दै नेतृत्व दायी भूमिकामा साथ सहयोग गर्ने वातावरण निर्माण गर्दै
५ ) विदेशी नागरिकता लिई सकेका नेवारहरूलाई नेपालको गैर आवासीय नेपाली नागरिकता लिन उत्प्रेरित गर्दै एक पटकको नेपाली सदा नेपाली अर्थात् बिदेसिएका नेपालीको नेपाली नागरिकता निरन्तरताको निम्ति आवाज पनि राख्दै जाने ।
६) नेपालमा बसोबास गर्ने नेवारहरू र NRN नेवारहरूका बिच एक आपसमा सम्बन्ध सुदृढ र सुमधुर बनाउँदै नेपाल भाषा , कला, संस्कृतिको संवर्द्धन, जगेर्ना र विश्वव्यापी करणमा हातेमालो गर्दै उद्योग व्यवसायमा आर्थिक लगानीको अवसर, सम्भावनाको खोजी गर्दै
७ ) विदेशमा जन्मिएका, हुर्किएका नेवार बालबालिकाहरूलाई आफ्नो पुर्ख्यौली भाषा ,लिपि, कला, भेषभुषा ,संस्कृतिबारे जानकारी गराउँदै सो को प्रवर्द्धन , जगेर्ना तथा संरक्षण गर्ने कार्यमा बालबालिका तथा युवाहरूलाई सहभागी गराउँदै , नेतृत्व गर्न , गराउन प्रोत्साहित गर्दै
८ ) नेवा: NRN द्वारा सञ्चालन, प्रवर्द्धन हुने गरी एक कोष खडा गर्दै नेवा: NRN को उद्देश्य परिपूर्तिमा परिचालित गर्दै
९) नेपाली नेपाली बिच भाइ चारा सम्बन्ध कायम गर्दै नेपालको विकासमा दत्तचित्त रहेन प्रण गर्दछौ ।
शुभाय् । धन्यवाद ।
