काठमाडौं – इजरायली हवाई हमलामा आतंकवादी संगठन हमासका अर्का कमाण्डर मारिएका छन् । जसको पहिचान बिलाल-अल-केद्राको रूपमा भएको छ । बिलाल अल-केद्रा हमासको नुख्बा फोर्सका कमाण्डर थिए । नुख्बा फोर्स हमासको नौसेनाको विशेष बल इकाई हो ।
इजरायली वायुसेनाले एक विज्ञप्ति जारी गर्दै दक्षिणी गाजा पट्टीको खान युनिस क्षेत्रमा बिलाल अल-केद्रा रहेको जानकारी पाएको बताएको छ । इजरायली वायुसेनाले गुप्तचरको आधारमा, एक हवाई आक्रमण गरिएको थियो, जसमा बिलाल अल-केद्रा मारिएको बताएको छ । इजरायली वायुसेनाले आफ्नो आक्रमणमा हमासका अन्य धेरै आतंककारी पनि मारिएको दाबी गरेको छ । इजरायली वायुसेनाले आक्रमणको भिडियो पनि जारी गरेको छ।
इजरायली वायुसेनाले गाजा पट्टीको खान युनिस, जेटुन र जबलिया पश्चिमी क्षेत्रहरूमा १०० भन्दा बढी सैन्य लक्ष्यहरूमा आक्रमण गरेको थियो। यस क्रममा हमासको कमाण्ड सेन्टर र सैन्य अड्डाहरूलाई निशाना बनाइएको थियो । यस हमलामा हमासको मिसाइल आक्रमणका धेरै एन्टि-ट्याङ्क मिसाइलहरू र प्रक्षेपण प्याडहरू ध्वस्त भएका इजरायली सेनाले बताएको छ ।
इजरायलले विगतमा जब हमासका आतंककारीहरूले इजरायलमा रक्तपात गराएको थियो भने किबुत्ज निरिममा भएको बर्बर हिंसाको पछाडि बिलाल अल-केद्राको हात रहेको इजरायलले जनाएको छ । यसअघि हमासका वायुसेना प्रमुख मुराद अबु मुराद पनि इजरायली वायुसेनाको आक्रमणमा मारिएका थिए ।
इजरायली सेनाले गाजाको उत्तरी क्षेत्र खाली गर्न अल्टिमेटम दिएको छ । अब इजरायलले उत्तरी गाजामा सैन्य कारबाही रोकेको छ र उत्तरी गाजामा बसोबास गर्ने मानिसहरूलाई दक्षिणी गाजामा जान आग्रह गरेको छ ।
