समाचार सुन्नुहोस् :
काठमाडौँ – नेपाल राष्ट्र बैंकले शुक्रबारदेखि २० रूपैयाँको नयाँ नोट प्रचलनमा ल्याएको छ । साविककै आकार तथा रंगमा बैंकले संकेत नम्बर ठ८७ ०००००१ देखि त १८ ९९९९९९ सम्मका नोट बजारमा पठाउन लागेको हो ।
नोटको बायाँतर्फ सगरमाथाको चित्र छ भने बायाँतर्फ लालीगुरासँसको छाप पनि छ । यसैगरी गभर्नरको दस्तखत रहेको स्थानमा गभर्नर महाप्रसाद अधिकारीको दस्तखत छ। नयाँ नोटको तल्लो भागको बोर्डरमा नोटको सिरियल नम्बर नेपालीमा ‘२०७९’ लेखिएको छ ।
यसैगरी नोटको मध्य भागको माथिल्लो खण्डमा अंग्रेजीमा नेपाल राष्ट्र बैंक लेखिएको छ भने मध्य भागमा दुई वटा बाह्रसिंगाको चित्र पनि राखिएको छ ।
