बिहिबार, मंसिर १४, २०८०
Thursday, November 30, 2023

काठमाडौं – शिव शिखर बहुउद्देश्यीय सहकारी संस्थाका अध्यक्ष केदारनाथ शर्मा भारतको मुम्बईबाट पक्राउ परेका छन् । सहकारीको १४ अर्ब रुपैयाँभन्दा बढी निक्षेप हिनामिना गरेको आरोपपछि फरार रहेका उनी मुम्बईबाट पक्राउ परेका हुन् ।

उनलाई नेपाल प्रहरीको सीआईबीको टोलीले मुम्बईस्थित एक विधायकको घरमा लुकेर बसेको अवस्थामा पक्राउ गरेर उनलाई सोमबार नेपाल ल्याइएको छ । ०७७ सालमा भक्तपुरको शिव शिखर कृषि सहकारी र शिखर दीप बहुउद्देश्यीय सहकारी मर्ज भएर शिव शिखर बहुउद्देश्यीय सहकारी संस्था बनेको थियो ।

छोटो समयमा निकै ठूलो कारोबार गरेको सहकारीका सञ्चालकले विस्तारै रकम ठगि गर्दै गएपछि सर्वसाधारणको निक्षेप फिर्ता गर्न समस्या हुन थालेको थियो । आफूले जम्मा गरेको बचत रकम फिर्ता नपाएपछि बचतकर्ताहरुले सीआईबी र सहकारी विभागमा उजुरी दिएका थिए ।

अनुसन्धानको क्रममा सीआईबीले यही असार १ गते एक सूचना जारी गरी काठमाडौं र ललितपुर जिल्लाभित्रका सेवा केन्द्रहरुमा निक्षेपकर्ता सदस्यहरुले जम्मा गरेका रकम हिनामिना भई ठगी हुन गएको भए प्रमाणसहित जाहेरी दिन आह्वान गरेको थियो ।

तपाईको प्रतिक्रिया