टोकियो – जापानको श्रमबजारमा रहेको चर्को श्रमिक अभावलाई पूर्ति गर्नका लागि ठूलो संख्यामा विदेशी कामदार भित्र्याउने रणनीतिअनुसार जापान सरकारले सन् २०१९ को अप्रिलबाट तोकुतेइ गिनोउ (SSW) भिसाको ब्यवस्था गरेको हो । तथापि अपेक्षित कामदार भित्रिन नसकेको जानकारहरुको विश्लेषण रहेको छ । पहिलो कारण, लगत्त सुरुभएको कोभिड -१९ को महामारी र अर्को लक्षित वर्ग वा समुदायमा स्पष्ट जानकारीको अभावलाई लिने गरेको पाईन्छ ।
तोकुतेइ गिनोउ भिसाको क्याटगोरीलाई एक र दुई गरी वर्गिकरण गरिएको र दुई अन्तर्गत हालसम्म सीमित क्षेत्र मात्रै समेटिएकोमा जापान सरकारले तोकुतेइ गिनोउ-२ को क्षेत्र बिस्तार गरी ११ पुर्याएको छ । जसअनुसार तोकुतेइ गिनोउ नं. २（特定技能द्द号）मा हालसम्म निर्माण र जहाज सम्बन्धि क्षेत्र मात्र रहेकोमा अबदेखि भवन सरसफाई, औद्योगिक उत्पादन, अटोमोबाइल मर्मत, एयरपोर्ट, होटल, कृषि, मत्स्यपालन, खाद्य बस्तु उत्पादन र रेष्टुरेन्ट उद्योगमा पनि तोकुतेइ गिनोउ नं. २ प्राप्त गर्न सकिने भएको हो । तोकुतेइ गिनोउ नं. २ भिसा प्राप्त गरेमा आफ्नो परिवारका सदस्यलाई डिपेन्डेन्टमा जापान ल्याउन पाईने र अन्य वर्किङ भिसा सरह दिर्घकालिन रुपमा जापानमा रहन पाइने सुबिधा उपलब्ध हुने बताईएको छ ।***
