टोकियो – जापानमा जन्मदर घटेर पछिल्लो सात वर्ष यताकै न्यून पुगेको छ । जापानको स्वास्थ्य मन्त्रालयका अनुसार सन् २०२२ मा जन्मदर सात वर्ष यताकै न्यून पुगेको हो ।
प्रजनन दर र महिलाले जीवनकालमा बच्चा जन्माउने औसत सङ्ख्या १ दशमलव ६५ प्रतिशत रहेको सरकारी तथ्याङ्क देखाएको छ । गतवर्ष सन् १८९९ मा रेकर्ड सुरु भएदेखि पहिलो पटक ८ लाखभन्दा तल झरेको छ, जुन अघिल्लो वर्षको तुलनामा ४०,८७५ कम हो । सन् २०२० मा २४,४०४ ले र २०२१ मा २९,२१३ ले घट्दै गत वर्षहरूमा जन्म सङ्ख्यामा झन् तीव्र गिरावट आएको छ ।
सन् २०१५ मा जापानमा प्रजनन दर १.४५ मा सुधार भएको थियो तर २०१६ देखि यो घट्दो प्रवृत्तिमा रहेको छ । जापानमा सन् २०२२ मा मृत्यु हुनेको सङ्ख्या बढेर रेकर्ड कायम गरेको छ । जापानमा जनसङ्ख्या स्वाभाविक रूपमा लगातार १६ औँ वर्षमा घटेको छ ।
विश्लेषकहरूले सन् २०३० को दशकसम्म जापानमा युवा जनसङ्ख्या तीव्र रूपमा घट्ने अनुमान गरेका छन् । प्रधानमन्त्री फुटियो किशिदाले देशको घट्दो जन्मदरलाई कम गर्न आफू गम्भीर रहेको भन्दै घट्दो जन्मदरलाई रोकेर सन् २०३० सम्म जन्मदर वृद्धि गर्ने लक्ष्य रहेको दाबी गरे ।
