काठमाडाैँ – नेकपा एमाले निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)को निर्वाचन सुरु भएकाे छ। बिहीबार अपरान्ह ३ बजेपछाडि मतदान सुरु भएकाे हाे।
फागुन २ गतेबाट सुरु भएको महाधिवेशनमा सहमति नजुटेपछि अहिले मतदान भइरहेकाे हाे। निर्वाचन विद्युतीय मेसिनको प्रयोग गरेर भइरहेकाे छ।अध्यक्षका लागि वरिष्ठ उपाध्यक्ष आरसी लामिछाने, महासचिव समिक बडाल र उपाध्यक्ष मोती विकले उम्मेदवारी दिएका छन्। निर्वाचनबाट १७ पदाधिकारीसहित केन्द्रीय समितिका १९९ जना सदस्य चयन हुनेछन्।
