काठमाडौं – राष्ट्रिय स्वतन्त्र पार्टीबाट सांसद इन्दिरा राना प्रतिनिधिसभाको उपसभामुख पदको उमेदवार बन्ने भएकी छन् । पार्टीको शुक्रबार बिहान बसेको संसदीय दलको बैठकबाट रानालाई उपसभामुखको उमेदवार बनाउने निर्णय गरिएको सांसद मनीष झाले जानकारी दिए ।
उपसभामुखका लागि आज उमेदवारी मनोनयन दर्ता गरिने कार्यतालिका छ । सत्ता गठबन्धनमा आबद्ध दलबीच विभिन्न पदको भागबन्डा गर्दा उपसभामुखमा रास्वपाको भागमा परेको थियो । रानाले उमेदवारी दिएको अवस्थामा उनलाई सत्ता गठबन्धनमा आबद्ध प्रमुख दलहरूको साथ रहनेछ ।
